ກອງທັບເຮືອເກົາຫຼີໃຕ້ຊ້ອມຮົບດ້ວຍກະສຸນແທ້ໃນທະເລຕະເວັນອອກ(ກົດຊົມຄລິບ.)
ສໍານັກຂ່າວຕ່າງປະເທດລາຍງານຈາກກຸງໂຊ
ປະເທດເກົາຫຼີໃຕ້ ໃນວັນທີ່ 2 ກັນຍາວ່າ ກະຊວງປ້ອງກັນປະເທດຂອງເກົາຫຼີໃຕ້ລາຍງານກອງທັບເຮືອເກົາຫຼີໃຕ້ຊ້ອມຮົບດ້ວຍກະສຸນແທ້
ໃນເຂດນ່ານໍ້າຂອງເກົາຫຼີໃຕ້ທະເລຕະເວັນອອກ ເຊິ່ງເປັນການຊ້ອມຮົບມື້ທີ່ 2 ຕິດຕໍ່ກັນ ຫຼັງຈາກຊ້ອມຮົບຄັ້ງໃຫຍ່ກອງທັບບົກແລະທາງອາກາດໃນວັນຈັນທີ່ຜ່ານມາ
ລວມເຖິງການທົດສວບປະສິດທິພາບຂອງລະບົບປ້ອງກັນຂີປະນາວຸດແລະຈໍາລອງສະຖານະການໂຈມຕີເປົ້າໝາຍໂດຍໃຊ້ຂີປະນາວຸດ
ຮາຟອນມູ
ຄວາມເຄື່ອນໄຫວທາງທະຫານຂອງເກົາຫຼີໃຕ້ເກີດຂື້ນຫຼັງຈາກເກົາຫຼີເໜືອປະກາດຄວາມສໍາເລັດການທົດສອບລະເບີດນິວເຄຣຍໃນວັນທີ່
3 ກັນຍາ ທີ່ຜ່ານມາຖືເປັນຄັ້ງທີ່ 6 ນັບແຕ່ປີ 2006 ແລະເປັນຄັ້ງທີ່ 2
ທີ່ເປັນລະເບີດໄຮໂດຣເຈນ ແລະລັດຖະບານປຽງຢາງຍັງເປີດເຜີຍອີກວ່າ
ປະສິດທິພາບການຂອງລະເບີດໄຮໂດຣເຈນທີ່ທົດສອບໃນຄັ້ງນີ້
ພຽງພໍສໍາຫຼັບການນໍາໄປຕິດຕັ້ງກັບຫົວລົບຂອງຂີປະນາວຸດຂ້າມທະວີບ
ຂະນະທີ່ຄະນະມົນຕີຄວາມໝັ້ນຄົງແຫ່ງສະຫະປະຊາຊາດຈັດກອງປະຊຸມວາລະພິເສດ
ໃນວັນຈັນຜ່ານມາໂດຍມີການຫາລືກ່ຽວກັບມາດຕະການຄວ່ໍາບາດຂອງລັດຖະບານປຽງຢາງຊຸດໃໝ່ດ້ວຍ
ແຕ່ທ່ານ ວາສຊີລີ ເນເບນເຊຍທູດຣັດເຊຍປະຈໍາສະຫະປະຊາຊາດ
ກ່າວວ່າການໃຊ້ມາດຕະການຄວໍ່າບາດບໍບສາມາດແກ້ໄຂຄວາມຂັດແຍ້ງໄດ້ ແລະທ່ານນາງນິກກີ
ເຮລີຍ໌ລທູດຂອງສະຫະລັດປະຈໍາສະຫະປະຊາຊາດ
ກ່າວຮຽກຮ້ອງໃຫ້ສະຫະປະຊາຊາດໃຊ້ມາດຕະການຂັ້ນເດັດຂາດ
ແລະເຜີຍວ່າລັດຖະບານວໍຊີງຕັນຢູ່ລະຫວ່າງຮ່າງແຜນການຄວໍ່າບາດສະບັບໃໝ່ເພື່ອນໍາສະເໜີໃນທີ່ປະຊຸມແລະອາດຈະເປັນການເພີ່ມຄວາມຈໍາກັດດ້ານພະລັງງານຂອງເກົາຫຼີເໜືອໃຫ້ຫຼາຍຂື້ນອີກ
ນອກຈາກນີ້
ລັດຖະບານໂຊເປີດເຜີຍວ່າ ປະທານາທິບໍດີໂດນັລທຣໍາ
ເຫັນດີໃນຫຼັກການຮ່ວມກັບປະທານາທິບໍດີມຸນ ແຈ-ອິນ ໃນການຍົກເລີກຂໍ້ຈໍາກັດກ່ຽວກັບການຜະລິດຂີປະນາວຸດຂອງເກົາຫຼີໃຕ້ທີ່ໃນປັດຈຸບັນມີຂໍ້ຈໍາກັດນໍ້າໜັກຂອງຫົວລົບບໍເກີນ
500 ກລ ແລະພິໄສຕ້ອງບໍໄກເກີນ 800 ກມ
ຄລິບປະກອບ:
