ເຮຶອຮົບຣັດເຊຍຍິງຈະລວດຖະຫຼົ່ມຖານໄອເອສໃນຊີເຣຍ(ກົດຊົມຄລິບ.)

ເຮືອ ຟີຣເກຕ ຣັດເຊຍຍິງຈະລວດຖະຫຼົ່ມຖານໄອເອສໃນຊີເຣຍໃນວັນອັງຄານ ໂດຍເປັນທີ່ມີນັກຮົບຳອເອສຈາກຣັດເຊຍປະຈໍາຢູ່ແລະໃນຄືນວັນຈັນ ທະຫານຣັດເຊຍຖືກດັກຊຸ່ມໂຈມຕີເສຍຊີວິດ 2 ສະຫາຍ

ສໍານັກຂ່າວຕ່າງປະເທດລາຍງານຈາກກຸງມົດສະກູ ປະເທດຣັດເຊຍ ໃນວັນທີ່ 5 ກັນຍາວ່າ ຖະແຫຼງການຂອງກະຊວງປ້ອງກັນປະເທດຣັດເຊຍ ກ່າວວ່າ ເຮືອຟີຣເກຕ ແອດມີຣັລ ເອສເຊນ ຂອງກອງທັບເຮືອຣັດເຊຍ ທີ່ລອຍລໍາຢູ່ເທິງໜ້ານໍ້າທະເລເມດິເຕີເຣນ່ຽນ ຍິງຈະລວດຄາລິເບີໂຈມຕີເປົ້າໝາຍກຸ່ມໄອເອສ ໃນຊານເມືອງເດອີ ເອຊຊໍ ທາງພາກຕາເວັນອອກຂອງຊີເຣຍ ໃນວັນອັງຄານ ເພື່ອຊ່ວຍເຫຼືອການບຸກໂຈມຕີພາກພື້ນດິນຂອງກອງທັບລັດຖະບານຊີເຣຍ

ການຍິງຖະຫຼົ່ມຈາກເຮືອ ແອດມິຣັລ ເອສເຊນ ສາມາດທໍາລາຍສູນບັນຊາການ ສະຖານນີສື່ສານ ຄັງອາວຸດ ໂຮງສ້ອມແປງຍານຫຸ້ມເກາະ ຂອງກຸ່ມໄອເອສແລະສັງຫານນັກຮົບໄອເອສ ຈໍານວນຫຼາຍ ໂດຍການໂຈມຕີມີຂື້ນຈາກສາຍຂ່າວລະບຸວ່າຖານແຫ່ງນີ້ມີນັກລົບໄອເອສຈາກຣັດເຊຍ ແລະຈາກອາດີດປະເທດໃນສະຫະພາບໂຊຫວຽດ ປະເທດໜຶ່ງປະຈໍາຢູ່